د پاکستان د خیبر پښتونخوا په شمالي وزیرستان سیمه کې د یو پټرولیم شرکت هلیکوپټر غورځېدلی چې له امله یې شپږ کسان مړه او ۸ ټپيان شوي دي.
د پاکستان پوځ په یو بیان کې ویلي چې د ماړي پټرولیم شرکت یوه هلیکوپټر چې د درې روسانو په ګډون په کې ۱۴ کسان سپاره و په شیوه تحصیل سیمه کې راغورځېدلی دی.
د پوځ په وینا هلیکوپټر د تخنیکي ستونزې له امله راغورځېدلې چې ۶ کسان په کې مړه او ۸ نور ژوبل شوي دي.
د ماړي پټرولیم شرکت هم دغخ پېښه تایید کړې ده.
