د برېښنا شرکت له لوري له ترکمنستان سره د ۲۰۲۵م کال لپاره د برېښنا د پېر تړون تمدید شو.
د برېښنا شرکت عمومي اجراییوي رییس ډاکتر عبدالباري عمر ترکمستان ته د سفر په ترڅ کې د ۲۰۲۵ کال لپاره د انرژۍ د پېرلو تړون د دغه هېواد له مسوولینو سره لاسلیک کړ.
برېښنا شرکت وايي، چې د دې تړون پر بنسټ به په څلورو مسیرونو «اندخوی، اقینې، بادغیس او تورغونډۍ ـ هرات» کې له ترکمنستان هېواد څخه افغانستان ته برېښنا اخیستل کېږي.
د شمېرو له مخې افغانستان د خپلې اړتیا ۲۰۲ میګا واټه برېښنا له ترکمنستانه، ۴۴۰ میګاواټه له تاجکستانه، ۴۵۰میګاواټه له ازبکستانه او ۱۰۲ میګاواټه له ایرانه واردوي .
خو سږکال ژمی هم د تېر په څېر د وارداتي برېښنا د کچې د کمېدو له امله د برېښنا پرچاوۍ ډېرې دي.
