د هېواد دوو پخوانيو ولسمشرانو محمد اشرف غني او حامد کرزي د کابل – کندهار پر لویه لاره د تېرې شپې د ترافیکي پېښې له قربانیانو او د هغوی د کورنيو له غړو سره غمرازي شریکه کړه.
تېره شپه د کابل – کندهار پر لویه لاره د غزني ولايت په مربوطاتو کې د دوه ځایه د ۵۸۰ مسافر وړونکي موټر او ټانکر او د ۵۸۰ مسافر وړونکي موټر او ټېلر ترمنځ ټکرونه شوي چې له امله يې شاوخوا ۵۰ کسان وژل شوي او تر ۷۰ زیات ټپيان دي.
د هېواد پخواني ولسمشر محمد اشرف غني په يو لنډ لیکلي پيغام چې چې د هغه پر فیسبوک پاڼه خپور شوی د دغې خونړۍ پېښې قربانیانو او د قربانیانو له کورنيو سره غمرازي شریکه کړې ده.
دغه راز د هېواد بل پخواني ولسمشر حامد کرزي هم پر دغه پېښه خواشيني څرګنده کړې ده.
هغه پر خپله فیسبوک پاڼه لیکلي: «د دغې مرګونې پېښې قربانیانو ته د الله له درباره د جنت هیله او ټپيانو ته يې د بېړنۍ روغتيا هيله کوم او د قربانیانو کورنيو ته د جمیل صبر غوښتونکی يم.»
All reactions:
20KAhmad Sohaib Hasrat, Jamil Weqar and 20K others
