(کابل ټيليګراف (سلواغې ۲۳– ۱۴۰۳ لمريزکال)
د پاکستان دولتي بانک وايي چې د تېر کال په وروستیو شپږو میاشتو کې، افغانستان ته د توکو او خدماتو صادرات دوه نوي سلنه زیات شوي دي
د بانک راپور، چې د تیر کال د جولای څخه تر دسمبر پورې موده یې څیړلې، وايي چې په دې موده کې د پاکستان ټول صادرات له پنځه سوه میلیون ډالرو څخه ډیر وو.
د صادراتو دا اندازه د تیر کال د ورته وخت په پرتله نږدې دوه سوه پنځوس میلیون ډالرو زیاتوالی څرګندوي.
د پاکستان د دولتي بانک په یوه راپور کې ویل شوي چې په دې موده کې به له افغانستان څخه د هیواد واردات له لسو میلیون ډالرو څخه کم وي.
دا په داسې حال کې ده چې د افغانستان د اقتصادي ادارو د ارزونې پر بنسټ، د سیاسي او امنیتي کړکیچونو له امله له پاکستان سره سوداګري سره کمه شوې ده.
