( کابل ټيليګراف (کب ۱۷ – ۱۴۰۳ لمريزکال )
د برتانیې پاچا چارلس په خپل شاهي کور وینډسر کاسل کې د دغه هېواد په زر کلن تاریخ کې په لومړي ځل مسلمانانو ته روژه ماتی ورکړ.
د برتانیې د خپرونو ادارې د راپور له مخې، د وینډسر کاسل په زر کلن تاریخ کې په لومړي ځل اذان وشو او د روژه ماتې مراسم ترسره شول.
دغه مراسم چې د سینټ جورجز تالار کې جوړ شوي وو، په کې د بېلا بېلو هېوادونو ۳۵۰ مسلمانانو ګډون کړی وو.
ویل کیږي، د دغه روژه ماتې د را ټولیدو موخه غیر مسلمانانو ته د اسلام او رمضان په اړه پوهاوی ورکول وو، چې د برتانیا پاچا چارلس لخوا ورته زمینه برابره شوې وه.
