کابل ټیلیګراف – ۱۶ وری ۱۴۰۴ لمریز کال
د طالبانو تر واک لاندې د افغانستان مرکزي بانک خبر ورکړی چې د افغانۍ د ارزښت د ساتنې په موخه به سبا یکشنبه ۱۵ میلیونه امریکايي ډالر د داوطلبۍ له لارې په لیلام کې وپلوري.
دې بانک له وړ بانکونو او د صرافۍ او پولي خدمتونو له شرکتونو غوښتي چې په دې داوطلبۍ کې ګډون وکړي.
دا په داسې حال کې ده چې مرکزي بانک هر ځلې د بازار د اړتیا سره سم ډالر لیلاموي، چې اقتصادي کارپوهان یې د افغانۍ د ثبات په ساتلو کې مهم بولي.
د یادونې وړ ده، چې نن یو ډالر د ۷۱ افغانیو په بدل کې پلورل کیدو.
