کابل ټیلیګراف – ۲۱ وری ۱۴۰۴ لمریز کال
د طالبانو د پروان ولایت د استخباراتو رئیس وایي، د طالبانو مخالفین له اسرائیل سره په اړیکه کې دي.
په یوه عمومي غونډه کې د طالبانو د پروان ولایت د استخباراتو رئیس محمد صدیق مخلص ویلي،
د طالبانو د حکومت ځینې مخالفین د اسرائیلو رژیم د استخباراتي سازمانونو سره مستقیمې اړیکې لري، خو دا مخالفین یې مشخص نه کړل.
هغه په دې ناسته کې د افغانستان د سیاسي تحولاتو په اړه د ځوان نسل د پوهاوي پر اړتیا ټینګار وکړ او ویې ویل: «تاسو باید پوه شئ چې زموږ ځینې هېوادوال، چې له هېواده بهر ژوند کوي، حتی له اسرائیل څخه د مرستې غوښتنه کړې ده.»
تر دې وړاندې هم طالبانو د افغانانو په اړه بېلا بېلې څرګندونې کړي.
