کابل ټیلیګراف – ۳۱ وری ۱۴۰۴ لمریز کال
بغلان کې د طالبانو امنیه قومانداني وایي چې په دغه ولایت کې یوه کس خپله مېرمن، ورور او وراره وژلی دي.
د یادې قوماندانۍ په خبرپاڼه کې راغلي چې دغه پېښه تېره شپه په خنجان ولسوالۍ کې شوې ده.
سرچېنې د جزییاتو له ورکولو پرته لیکلي چې دغه پېښه د کورنیو شخړې له امله شوې ده.
طالبانو ویلي، تورن کس له سیمې تښتېدلی خو پولیسو یې د نیولو هڅې پیل کړې دي .
دا په داسې حال کې ده چې تېره ورځ په کاپیسا ولایت کې هم یوه کس درې تنه په ډزو وژلي وو.
