کابل ټیلیګراف – ۱۷ زمری ۱۴۰۴ لمریز کال
د را پورونو له مخې؛ په غزه کې د خوړو د کمښت له امله ۴ نور فلسطیني وګړي مړه شوي، چې په دې سره په دغه هېواد کې د خوړو د نشتوالي له امله د مړو شویو کسانو شمېر ۱۹۷ تنو ته ورسید.
په ورته وخت کې د فلسطین روغتیا وزارت وایي، د اسرائیلو په تازه بریدونو کې غزه کې ۹۸ فلسطینیان وژل شوي او ۶ سوه نور ټپیان دي.
ویل کیږي، په قربانیانو کې ۵۱ هغه فلسطینیان هم شامل دي چې د مرستو په تمه یې انتظار کاوه.
بل پلو، د روغتیا نړیوال سازمان وايي، په غزه کې له ۱۲ زرو زیات ماشومان د خوړو د سخت کمښت ښکار دي.
د یادونې وړده، چې د ۲۰۲۳ کال د اکتوبر له ۷مې راهیسې تر اوسه په اسرائیلي جګړه کې له ۶۱ زرو زیات فلسطینیان وژل شوي دي.
