کابل ټیلیګراف ۸وږی ۱۴۰۴ لمریز کال
د اوزبیکستان ولسمشر شوکت میرضیایف د دې هیواد د خپلواکۍ د ۳۴مې کلیزې په مراسمو کې د طالبانو سره په افغانستان کې پر عملي همکارۍ ټینګار کړی دی.
هغه افغانستان د سیمهییز او نړیوال امنیت لپاره مهم عامل بللی او زیاته کړې یې ده، چې د دې هېواد له حکومت سره «رغنده او عملي» همکاري اړینه ده.
د طالبانو او اوزبیکستان ترمنځ اړیکې د سوداګرۍ، ترانزیټ او برېښنا د رسولو په برخو کې پراخې شوي.
دواړه هېوادونه د پاکستان-افغانستان-اوزبیکستان د اورګاډي پروژې په چوکاټ کې هم د اړیکو پراخوالی لري.
دا اړیکې په داسې حال کې دي، چې د ۲۰۲۲ کال په جنوري کې، د طالبانو دفاع وزیر د اوزبیکستان څخه غوښتي وو، چې د پخواني افغان پوځ الوتکې بېرته وسپاري، خو دا غوښتنه تر اوسه نه ده منل شوې.
