خبرونهنړۍ

غزه کې ۱۵  اسرائیلي پوځیانو ته مرګ ژوبله اوښتې

کابل ټیلیګراف ۸وږی ۱۴۰۴ لمریز کال 

په غزه کې د فلسطیني مقاومتي ډلې او اسرائیلي پوځ ترمنځ سختو نښتو کې دوه اسرائیلي پوځیان وژل شوي او ۱۳ نور ټپيان شوي دي، دغه راز ۴ نور لادرکه دي.

د اسرائیلي رسنیو په وینا، د حماس د عسکري څانګې القسام جنګیالیو د غزې په الزیتون سیمه کې پر اسرائیلي پوځي لاسي بریدونه کړي.

 اسرائیلي رسنیو تائید کړې، چې د فلسطیني مقاومتي ډلو په عملیاتو کې لږ تر لږه ۲ اسرائیلي پوځیان وژل شوي او ۱۳ ټپیان دي. همدارنګه، د حماس جنګیالیو د شپې لیدو وسایلو په مرسته اسرائیلي پوځیان تعقیب کړي، چې له امله یې سختې نښتې پیل شوې.

د اسرائیلي رسنیو په وینا، د اسرائیلي پوځ ۱۶۲مې ډویژن او ۴۰۱مې بریګیډ د الزیتون په سیمه کې د بریدونو هدف شوي دي. اسرائیلي رسنیو ویلي، چې د ټپیانو د ایستلو لپاره ۶ اضافي چورلکې لېږل شوې دي.