کابل ټیلیګراف د وږي ۱۹مه ۱۴۰۴ لمریز کال
د پاکستان لومړي وزیر شهباز شریف پر قطر د اسراییلو وروستي هوایي برید ته په غبرګون کې دا برید یو ګواښوونکی او د نه منلو وړ عمل وباله.
هغه په خپله خواله رسنۍ ایکس پاڼه په یوه پيغام کې ویلي چې، دا برید کولی شي د سیمې امنیت او ثبات ته ګواښ وي او نړیواله ټولنه باید دغه برید ته په مناسب ډول ځواب ووایی.
د پاکستان لومړي وزیر زیاته کړه چې د قطر امیر شیخ تمیم بن حمد الثاني سره په تلیفوني اړیکه کې، هغه د قطر د حکومت او خلکو لپاره د خپل هېواد خواخوږي او بشپړ ملاتړ څرګند کړ.
شهباز شریف ټینګار وکړ چې پاکستان د قطر تر څنګ ولاړ دی او هر هغه عمل غندي چې د نړیوال قانون څخه سرغړونه کوي.
دا غبرګون په داسې حال کې راځي چې په دوحه باندې د اسراییلو برید پراخه نړیواله پاملرنه ترلاسه کړې او په سیمه کې یې د زیاتېدونکي تاوتریخوالي په اړه اندیښنې راپورته کړې دي.
اسراییل پرون (سهشنبه) د قطر په پلازمینه کې د حماس د چارواکو په استوګنځي باندې په یوه ناڅاپي او بې ساري اقدام کې هوايي برید وکړ.
د برید هدف، چې د راپورونو له مخې د حماس د مشرانو د وژلو لپاره و، په نړیوالو غبرګونونو کې د قطر د حاکمیت ښکاره سرغړونه ګڼل کېده.
