کابل ټیلیګراف د وږي ۲۰مه ۱۴۰۴ لمریز کال
د قطر د بهرنیو چارو وزارت د اسرائیلي لومړي وزیر بنیامین نیتن یاهو لخوا د قطر په دوحه کې د حماس د دفتر په اړه څرګندونې غیر مسؤلانه وبللې.
د بهرنۍ خبري اژانس په وینا، د قطر د بهرنیو چارو وزارت وویل: د نیتن یاهو ګواښونه د نړیوالو قوانینو سرغړونه ده او هغه باید د خپلو کړنو حساب ورکړي.
د اسرائیلي لومړي وزیر په وینا، قطر باید د حماس مشرتابه له خپل هېواد وشړي یا یې د قانون محکمې ته راولي.
نیتن یاهو د قطر پر ضد اسرائیلي برید د پاکستان په خاوره کې د اسامه بن لادن پر ضد د امریکا د عملیاتو سره پرتله کړی وو.
په یوه ویډیويي بیان کې نیتن یاهو ویلي وو چې دوی په قطر کې هغه ترهګر په نښه کړل چې د اکتوبر ۷مې د قتل عام طراحان وو.
