د افغانستان پخواني ولسمشر حامد کرزي د خپلواکۍ د ۱۰۵ کلیزې په مناسبت ویلي، د هېواد راتلونکې د ځوان نسل په تعلیم پورې تړلې ده او طالبانو باید د نجونو پر مخ پوهنتونونه او ښوونځي خلاص کړي.
د طالبانو له بیا واکمنېدو را وروسته په افغانستان کې د نجونو پر مخ له شپږ ټوولګي پورته ښوونځي او پوهنتونونه تړل شوي دي.
پخواني ولسمشر حامد کرزي پر خپله اېکسپاڼه لیکلي چې د خپلواک او په خپلو پښو ولاړ افغانستان لپاره اړینه ده چې د علم په ګاڼه سمبالې نجونې د خپلو وروڼو ترڅنګ ودرېږي او هېواد له احتیاجه خلاص کړي.
د ملګرو ملتونو د شمېرو له مخې په افغانستان کې دا مهال نژدې یونیم میلیون نجونې تر شپږم ټولګي پورته ښونځیو او پوهنتونونو څخه بې برخې دي.
