د امریکا متحدهایالتونو پر اسراییل د ایران د تېرې اوونۍ د برید په غبرګون کې ایران نور بندیزونه لګولي او زیاته کړې یې ده چې په دغه هېواد مالي فشارونه لا زیات شي
د امریکا د خزانې وزارت په یوه خبرپاڼه کې وویل، په دغو نویو بندیزونو سره به چې د ایران د تېلو صنعت پهکې په نښه شوی، پر دې هېواد مالي فشارونه لا زیات شي او د تېلو د پلور له پلوه به یې د رژیم عواید چې هغه په سیمه کې د بې ثباتۍ او د متحدهایالتونو پر متحدینو د برید لپاره کارولای شي، کم شي.
د امریکا د خزانې وزیرې جنیت یلین وویل، پر اسراییل د ایران د برید په ځواب کې متحدهایالات د ایران د رژیم د تمویل او د بې ثباته کوونکو فعالیتونو د ترسره کولو د وړتیا د لا ګډ وډولو لپاره پرېکنده اقدام کوي.
په عین حال کې د امریکا د بهرنیو چارو وزارت ۶ شرکتونه او شپږ کښتۍ له ایران څخه د تېلو د محصولاتو د لېږد یا سوداګرۍ لپاره د بند ملکیت په توګه پېژندلي.
د دغو بندیزونو لهمخې په متحدهایالتونو کې د په نښه شویو شرکتونو او کښتیو ټولې شتمنۍ کنګل کېږي او امریکایان لهدې منع کوي چې ورسره هر ډول معامله وکړي.
