د طالبانو د حکومت ویاند ذبیح الله مجاهد د اسرائیلي ځواکونو په برید کې د حماس غورځنګ د سیاسي مشر یحیی سینوار په وژلو خواشیني څرګنده کړې ده.
نوموړي پر خپله اېکس پاڼه باندې په دې اړه په پښتو، دري، انګلیسي، اردو او عربي ژبو یوه اعلامیه خپره کړې ده.
د مجاهد لخوا خپره شوې اعلامیه کې راغلي چې د اسرائیلي ځواکونه د اسلامي مشرانو دا ډول وژلو سره خپل دښمنان نور هم زیاتوي.
په اعلامیه کې دغه راز له اسلامي نړۍ غوښتنه شوې چې د غزې پر بې ګناه ملکي وګړو د اسرائیلي پوځيانو د بریدونو د مخنیوي لپاره دې سره یو موټی شي.
د یادولو وړ ده چې د حماس اسلامي غورځنګ سیاسي مشر یحیی سینوار د تېرې پنجشنبې په ورځ د اسرائیلي ځواکونو په یو برید کې د مخامخ جګړې پرمهال ووژل شو.
