لوبې
افغان ابدالیان لوبډلې سریلانکا ته په ۱۱ منډو ماتې ورکړه
افغان ابدالیان لوبډلې د ځوانانو اسیام جام په خپله لومړۍ سیالۍ کې سریلانکا الف لوبډلې ته د ۱۱ منډو په توپیر ماتې ورکړه.
وروسته د لومړۍ پاڼې چې د صدیق اتل او زبید اکبري د غوره توپوهنې پر مټ افغان ابدالیانو ۱۶۶ منډې ترسره کړې، افغان ابدالیانو غوره توپ اچونه ترسره کړه او د سریلانکا ټوله لوبډله یې په ۱۵۵ منډو جوړولو اوټ کړه.
ددغه سیالۍ غوره لوبغاړی صدیق اتل وو.
د افغان توپ اچوونکو له لوري فریدون ۳، بلال او غضنفر هر یو ۲ او شرف الدین د سیالې لوبډلې ۱ لوبغاړی له ډګره بهر کړ.
