د خبریالانو د ملاتړ سازمان وايي طالبانو په هرات ولایت کې خبریالانو ته ویلي چې په رسمي او غیررسمي غونډو کې دې د دوی د چارواکو انځورونه او ویډیوګانې نه اخلي.
طالبانو تر دې وړاندې په ننګرهار کې هم خبریالانو ته سپارښتنه کړې وه چې راپورونو کې دې د ژوندیو موجوداتو پر ځای د ودانیو انځورونه خپاره کړي.
د طالبانو مشر د امر باالمعروف او نهي عن المنکر قانون کې د ژوندیو موجوداتو انځورونه او ویډیو اخیستل ناروا بللي دي.
خو پخپله طالب چارواکي ويډیويي مرکې او کلپونه خپروي او د غونډو عکسونه یې له رسمي پاڼو خپرېږي.
