کابل ټيليګراف (سلواغه نهمه– ۱۴۰۳ لمريز)
د ایران د کورنیو چارو وزارت وایي، په دغه هېواد کې د ۴ میلیون او ۵ سوه زره قانوني او شاوخوا ۲ میلیونه غیرې قانوني افغان کډوال میشت دي.
د دغه وزارت مرستیال علي اکبر پور جمشیدیان ویلي، د پخوا په پرتله په ایران کې د افغان کډوالو په شمېر کې کموالی راغلی او لامل یې د یو شمېر کسانو پخپله خوښه افغانستان ته ستنیدل وبلل.
د ایران انتخاب رسنۍ د رپوټ له مخې، پورجمشيديان د ایران او افغانستان تر منځ د امنيتي او قانوني مسايلو په برخه کې تر ټولو ستره موضوع غير قانوني افغان کډوال یاد کړل.
پورجمشيديان زياته کړه، چې ایران او افغانستان پر پوله ستونزې لري، چې په ګډه همکارۍ باید حل شي.
د هغه په خبره، د ترهګرۍ، انساني او نشه یي توکو له قاچاق سره د مبارزې په برخه کې د افغانستان همکارۍ ته اړتیا لري.
