کابل ټيليګراف (د مرغومې ۲۳مه– ۱۴۰۳ لمريز)
د ایران په تهران کې د طالبانو سفیر د ایران د علومو مرستیال وزیر سره په خبرو کې ویلي، په کابل د ایران له تعلیمي فرصتونو او ظرفیتونو څخه د افغان زده کونکو لپاره کار اخلي.
فضل محمد حقاني ویلي دي چې د هېواد په پوهنتونونو کې د زده کړیالانو د ننګونو د حل لپاره د اکاډمیکې همکارۍ او ګډو غونډو د پیاوړتیا لپاره کار کوي.
د دغه سفارت لخوا په خپور شوي بیان کې ویل شوي، په دې غونډه کې،دواړو خواوو د افغان زده کونکو لپاره د تعلیمي فرصتونو د زیاتوالي او همدارنګه د زده کونکو لپاره د شته ننګونو د حل په اهمیت ټینګار وکړ.
د طالبانو دغه چارواکې په داسې حال کې د تعلیمي ظرفیتونو او فرصتونو په اړه له ایراني چارواکو سره لیدنه کوي، چې عام خلک د طالبانو د تعلیمي بهیر څخه ناخوښه دي.
