کابل ټيلیګراف (د مرغومي ۶مه – ۱۴۰۳ لمريز)
د طالبانو د کډوالو او بېرته راستنېدونکو چارو وزارت وايي چې د پاکستان له زندانونو ازاد شوي ۴۴ افغان بندیان له ازادېدو وروسته هېواد ته راستانه شول.
یاد وزارت وايي، دغه کسان د تورخم او سپین بولدک دروازو له لارې هېواد ته را ولېږدول شول.
د دغه وزارت د معلوماتو له مخې، یاد کسان د قانوني اسنادو د نه درلودو له امله له ۲ میاشتو څخه تر یو کال پورې بندیان وو او له خوشي کیدو وروسته بیرته خپل هیواد ته را ستانه شول، چې د همکارو موسساتو له لوري ور سره بشري مرستې وشوې.
