کابل ټيلیګراف (د مرغومي ۶مه – ۱۴۰۳ لمريز)
د اسرائیلو لومړی وزیر بنیامین نتنیاهو د یمن حوثیانو ته ګواښ وکړ، چې په تېرو اونیو کې یې پر پلازمېنه تل ابیب د توغندیو او بې پیلوټه الوتکو بریدونه زیات کړي دي.
نوموړي د خپل ایکس په یوه پيغام کې لیکلي: “موږ پر دښمنانو او هغو کسانو برید کوو چې فکر کوي دلته به زموږ د ژوند تار پرې کړي، نو دا به د ټولو لپاره د پلي کېدو وړ وي.”
هغه زیاته کړه، حوثیان به هم هغه څه زده کړي، چې حماس، حزب الله، د اسد رژیم او نورو زده کړی او که وخت ونیسي، نو دا درس به ټول منځني ختیځ زده کړي.
دا په داسې حال کې ده، چې اسرائیلو په غزې تازه برید کې ۵ خبریالان وژلي دي.
