کابل ټيليګراف (سلواغه 1۵مه– ۱۴۰۳ لمريز)
العالم شبکې راپور ورکړی چې تر اوسه پورې په چاودنه کې د اتلس کسانو د مړینې تایید شوی دی.
ویل کیږي چې په دې پیښه کې څو نور کسان ټپیان شوي هم دي، چې د یو شمېر ټپیانو حالت نازک ښودل شوی دی.
دا پېښه په منبج ښار کې رامنځته شوې، خو په دمشق کې مېشتو چارواکو تر اوسه د دې پېښې په اړه جزئیات نه دي ورکړي.
د یو بل خبر له مخې؛ د لبنان د حزب الله غورځنګ عمومي منشي شیخ نعیم قاسم وویل چې د شهید سید حسن نصرالله او شهید سید هاشم صفی الدین جسدونه به د یکشنبې په ورځ، د روان کال د حوت میاشتې په پنځمه نیټه خاورو ته وسپارل شي.
د حزب الله غورځنګ او صهیونیستي رژیم ترمنځ د سختو شخړو له امله، د سید حسن نصرالله د جنازې مراسم وځنډول شول.
د لبنان د حزب الله غورځنګ عمومي منشي هم د حماس د پوځي څانګې د مشر محمد الضیف او د مرستیال مروان عیسی د شهادت په اړه د فلسطین خلکو ته مبارکي او تسلیت وړاندې کړ.
ښاغلي قاسم ټینګار وکړ چې دا د فلسطین د خلکو لپاره یوه ریښتینې بریا وه. د ټولو فلسطیني خلکو، ټولو ملاتړو جبهو او د فلسطیني خلکو ټولو ملاتړو ته د مقاومت د دوام مبارکي وایم.
