د غزې د نیولو په اړه د ټرمپ څرګندونو ته د بېلا بېلو هېوادونو لخوا غبرګونه وښودل شول
( کابل ټيليګراف (سلواغه ۱۸مه– ۱۴۰۳ لمريز )
د غزې د نیولو او په دغه سیمه کې د مېشتو فلسطینیانو د کډه کولو په تړاو د ډونالډ ټرمپ وروستۍ څرګندونې، د مختلفو هېوادونو له سختو او پراخو غبرګونونو سره مخ شوې دي.
د طالبانو د بهرنیو چارو وزارت هم د ټرمپ څرګندونې له نړیوالو قوانینو ښکاره سرغړونه ګڼلې او ویلي چې د فلسطین د خلکو د برخلیک په اړه له دوی پرته بل هېڅوک نه شي کولای چې پرېکړه نه وکړي.
د غزې د نیولو او د دې سیمې د اوسېدونکو د کډه کولو په تړاو د امریکا د ولسمشر ډونالډ ټرامپ له څرګندونو سره سم، د طالبانو د د بهرنیو چار وزارت دې څرګندونو ته په غبرګون کې، دا یې له نړیوالو قوانینو ښکاره سرغړونه بللې او ویلي چې غزه د فلسطین خاوره ده او هېڅوک نه شي کولای د هغوی د برخلیک په تړاو پریکړه وکړي.
د طالبانو د بهرنیو چارو وزارت په بیانیه کې راغلي چې دا ډول پلانونه نه یوازې دا چې د صهیونیسټي رژیم له ناوړه موخو څخه استازولي کوي، بلکې د مسلمانانو د کرکې او په سیمه کې د شخړو د زیاتېدو لامل ګرځي.
طالبانو له عدالت غواړو او اغېزمنو هېوادونو څخه غوښتي چې د دې ډول توطئو پر وړاندې عملي، واحد او پرځای دریځ غوره کړي.
له دې سره سم، د ملګرو ملتونو لوی منشي آنتونیو ګوترش هم ډونالډ ټرامپ ته خبرداری ورکړی چې د فلسطینیانو د جبري کډه کولو او د غزې د نیولو له لارې د دې سیمې له قومي پاکوالي څخه لاس واخلي.
ګوترش ټینګار کړی چې د حل لارې موندلو په بهیر کې باید ستونزې نور هم ډېرې نه کړي او د فلسطین په موضوع کې له هر ډول قومي پاکوالي څخه ډډه کول اړین دي.
د ایران دبهرنیو چارو وزیر اسماعیل بقايي هم د غزې د پاکوالي نقشه او د فلسطین د خلکو جبري کډه کول، د فلسطیني ملت د بشپړ له منځه وړلو لپاره د اسرائیلو د هدفمند پلان دوام یاد کړی او ویلي چې دا پلان له نړیوالو او بشري حقونو څخه د ښکاره سرغړونې له امله، په بشپړه توګه باطل دی.
په همدې حال کې اروپايي ټولنې هم د ټرامپ د څرګندونو په غبرګون کې ویلي چې غزه د فلسطین له هېواد څخه یوه نه بېلېدونکې برخه ده.
د ترکیې د بهرنیو چارو وزیر هم ویلي، له هر ډول هغه پلان سره چې موخه یې له معادلې څخه د غزې د خلکو ایستل وي، مخالفت کوي او حتی په دې دول فکر کول او خبرې کول هم د وخت ضایع کېدل اوناسم دي.
د مصر بهرنیو چارو وزارت هم په یوې بیانې کې د غزې پر وړاندې د ټرامپ د پلان په ردولو سره، اعلان کړی چې غزه د فلسطین د خاورې یوه برخه ده.
