کابل ټيليګراف (د مرغومې ۱۲مه– ۱۴۰۳ لمريز)
د افغانستان ازادۍ په نوم جبهې د یوې اعلامیې په خپرولو سره پر بګرام هوایي ډګر د برید ادعا کړې.
د یادې جبهې څخه په خپره شوې اعلامیه کې ویل شوي، چې دغه برید یې تېره ورځ سهار مهال د بګرام هوايي ډګر پر څلورمې دروازې کړی دی.
اعلامیه کې طالبانو ته د یاد برید پرمهال د مرګ ژوبلې ادعا هم شوې ده.
تراوسه طالب چارواکو پر بګرام هوایي ډګر د برید په اړه څه نه دي ویلي.
له دې څه موده وړاندې هم یادې جبهې پر بګرام هوایي ډګر د برید ادعا کړې وه.
