کابل ټيليګراف (د مرغومې ۲۰مه– ۱۴۰۳ لمريز)
اوکرایني چارواکي وایي، په ۲۰۲۴م کال کې مو څه باندې ۴۲۷ زره روسي سرتیرو ته مرګ ژوبله اړولې ده.
د یاد هېواد دفاع وزیر او لوی درستیز الکساندر سرسکي ویلي چې روسي ځواکونو ته دغه مرګه ژوبله د ۲۰۲۴کال د جنورۍ له پیل څخه د ددغه کال د ډسمبر تر ۳۰مې نیټې پورې اوښتې ده، خو دا یې نده واضحه کړې، چې څومره روسي سرتیري وژل شوي او څومره ټپیان دي.
د اوکراین چارواکي په داسې حال کې د یادې مرګ ژوبلې خبر ورکوي، چې روسیې بیا ویلي، په ۲۰۲۴م کال کې د اوکراین څه باندې ۴ زره کیلو مټره خاوره نیولې.
روسیې بیا په ۲۰۲۴م کال کې د خپلو ۳۱ زره ۴۸۱ سرتیرو د وژل کېدو خبر تائید کړی.
