کابل ټيليګراف (د مرغومې ۲۰مه– ۱۴۰۳ لمريز)
یوه فلسطیني ټولنیز فعال د مکسیکو په پلازمېنه کې د اسرائیلو د لومړي وزیر بنیامین نتانیاهو مجسمه نسکوره او نړولې ده.
په داسې حال کې چې د هغه له دغه اقدام څخه فلم اخیستل کېدو، پر مجسمې باندې د سور رنګ په شیندلو سره هغه یې نسکوره او ويجاړه يې کړه.
هغه ویلي،د ده دغه اقدام، د يهودیانو پر ضد نه، بلکې په غزه کې د اسرائیلو د جنايتونو او نسل وژنې په غبرګون کې دی.
دا اقدام د مکسیکو په پلازمېنه مکسیکو سیټي کې د مومیایي مجسمو د موزیم دننه ترسره شوی دی.
