کابل ټيليګراف (سلواغې ۸مه– ۱۴۰۳ لمريز)
د میدان وردګو ولایت د کرنې، اوبولګولو او مالدارۍ ریاست مسوولان په دغه ولایت کې د مڼو د حاصل د زیاتوالي خبر ورکوي.
د یادې ادارې لپاره د طالبانو رییس نیاز محمد عابد ویلي چې سږ کال په دغه ولایت کې ۱۵۰ زره مټریک ټنه د مڼو حاصلات راټول شوي دي.
د هغه په خبره چې تېر کال له میدان وردګو څخه ۱۲۵ زره مټریک ټنه مڼو حاصلات راټول شوي وو چې د تېر کال په پرتله ۲۰ سلنه زیاتوالی ښيي.
خو بلخوا بڼوال وایې د مناسب بازار نشتون، د حکومت نه پاملرنه او لوړې مالیې چارې ټکنۍ کړي دي.
