( کابل ټيليګراف (سلواغې ۲۱ – ۱۴۰۳ لمريزکال )
د طالبانو د ټولګټو وزارت وایي چې له دوو شرکتونو سره یې د ۷۱۳ میلیون افغانیو په ارزښت، د ميدانوردګو – لوګر د نږدې ۵۰ کيلومتره سړک بیارغونې تړونونه لاسليک کړي دي.
د طالبانو تولګټو وزارت ویاند محمداشرف حقشناس نن پر خپله اېکسپاڼه لیکلي چې د دغه وزارت سرپرست ملا محمدعيسی ثاني د ۷۱۳ ميليون افغانيو په ارزښت له دوو خصوصي شرکتونو سره د ميدانوردګو – لوګر سړک بیارغولو تړونونه لاسليک کړل.
هغه زیاته کړې، د ميدانوردګو – لوګر سړک ټول ۴۹ کيلومتره دی چې ۱۲۰ پُلګوټي لري او په دوو برخو کې جوړېږي.
حقشناس زیاتوي چې د دغه سړک رغنيزې چارې به د ۱۶ مياشتو په موده کې بشپړې شي.
