( کابل ټيليګراف (سلواغې ۲۴– ۱۴۰۳ لمريزکال )
د طالبانو بهرنیو چارو وزارت د ملګرو ملتونو امنیت شورا ته د پاکستان د دایمي استازي وروستیو څرګندونو ته غبرګون وښوده چې د افغانستان په اړه یې کړې وې.
په ملګرو ملتونو کې د پاکستان استازي، منیر اکرم په دغه غونډه کې ویلي، افغانستان د داعش – خراسان څانګې د استخدام مرکز دی او په پاکستان کې دا ډله وسله وال نه استخداموي.
د افغانستان بهرنیو چارو وزارت په خبرپاڼه کې راغلي، اسلامي امارت د ملګرو امنیت شورا ته د پاکستان د دایمي استازي هغه تورونه ردوي او بې بنسټه یې بولي چې ګواګي له افغانستانه څخه سیمې او نړۍ ته د ترهګرۍ ګواښ شته.
خبرپاڼه کې راغلي: «نړیوالې ټولنې ته ډاډ څرګندوو چې په افغانستان د داعش او یا نورو ډلو پټنځایونه د اسلامي له راتلو وروسته په بشپړه توګه له منځه تللي دي.
بهرنیو چارو وزارت لیکلي، خو په افغانستان کې له لسیزو جګړو وروسته د امنیت ټېنګښت د سیاسي او اقتصادي پراختیاوو مخه په داسې ناکامه هڅو نه شي نیول کېدای.
