(کابل ټيليګراف (سلواغې ۳۰– ۱۴۰۳ لمريزکال)
د امریکا متحده ایالتونو د کورني امنیت وزیرې کریسټي نویم په دغه هېواد کې ټولو غیر قانوني کډوالو ته امر کړی، چې تر ژره دغه هېواد پریږدي.
هغې په ایکس پاڼه کې لیکلي: په ټول هېواد کې د غیر قانوني کډوالو د شړلو کمپاین پیل کړی او هغه چې له دغه هېواد څخه ونه وځي، نو په جبري ډول به ډیپورټ کړای شي.
نویم لیکلي: سمدستي امریکا پریږدئ، کنه موږ به مو پیدا کړو او له هېواد څخه به مو داسې وباسو، چې بیا به هیڅکله امریکا ته رانشئ.
د یادونې وړده، چې امریکا تر اوسه په سلګونو غیر قانوني کډوال له دغه هېواد څخه ډیپورټ کړي دي.
