( کابل ټيليګراف (کب ۲ – ۱۴۰۳ لمريزکال )
افغان کرکټ ملي لوبډله به سبا د اتلانو جام سیالیو په لړ کې خپله لومړۍ لوبه د سوېلي افریقا له ملي لوبډلې سره د پاکستان په کراچۍ ښار کې ترسره کړي.
د افغانستان د کرکټ ملي لوبډلې په ګډون د اتو لوبډلو ترمنځ د ۲۰۲۵ کال د اتلانو جام سیالۍ پرون په پاکستان کې پیل شوې.
یاده سیالي به د افغانستان په وخت د ماسپښین په یوهنیمه بجه پیل شي.
په دغو سیالیو کې د افغانستان په ګډون د پاکستان، بنګلهدېش، انګلستان، اسټرالیا، سوېلي افریقا، نیوزلېنډ او هند کرکټ لوبډلې برخه لري.
د یادونې ده، په دغو سیالیو کې به افغان لوبډله خپله دویمه لوبه د روانې فبروري میاشتې په ۲۶مه د انګلستان کرکټ ملي لوبډلې سره ترسره کړي.
