( کابل ټيليګراف (کب ۹ – ۱۴۰۳ لمريزکال )
د طالبانو د ټولګټو وزارت وایي، د سالنګ لار یو ځل بیا د تېرې شپې راهېسې د ترافیکو پر مخ وتړل شوه.
د طالبانو ټولګټو وزارت ویاند محمد اشرف حقشناس پر خپله اېکسپاڼه لیکلي، د سالنګونو لویه لاره، چې د هوا د وضعیت د نسبي ښه والي له امله د محدودو ساعتونو لپاره د ترافیکو پر مخ خلاصه شوې وه، هغو وسایطو ته د تګ اجازه ورکړل شوه چې د لویې لارې په دواړو خواوو کې منتظر وو.
هغه لیکلي، خو د واورې د بېرته ورېدو او طوفان له پیل سره، د انساني تلفاتو او مالي زیانونو د مخنیوي په موخه، دغه لاره د تېرې شپې ۷:۰۰ بجې بیا د ترافیکو پر مخ وتړل شوه.
ده له خلکو غوښتي چې ترې بلې خبرتیا پر دغه لاره تګ او راتګ ونه کړي.
