( کابل ټيليګراف (کب ۱۵ – ۱۴۰۳ لمريزکال )
د پاکستان په کوربتوب د چمپینز ترافي لوبو په دویمه نیمه پای لوبه کې نیوزیلینډ جنوبي افریقا ته د بریا لپاره ۳۶۳ منډې هدف وټاکه.
دغه لوبه د لاهور په قذافي لوبغالي کې ترسره کیږي، چې په کې نیو زیلینډ پچه وګټله او لومړی یې توپ وهنه پیل کړه او د شپږو لوبغاړو په سوزیدو سره یې ۳۶۲ منډې جوړې کړې.
د نیوزیلینډ لخوا راچن رویندرا او کین ولیمسن سلیزې جوړې کړې، دغه راز ډیرل مچل او ګلین فلپس ۴۹ ، نهه څلوېښت منډې جوړې کړې.
د جنوبي افریقې لخوا لونګي اینګیډي ۳، کګیسو رباډا ۲ او ویان ملډر یوه ویکټ واخیسته.
د یادونې وړده، چې هندوستان تېره ورځ اسټرالیا ته په ماتې ورکولو سره د دغه سیالیو پای لوبې ته لاره پیدا کړه.
ټاکل شوې د چمپینز ترافي سیالیو پای لوبه د راتلوونکې یکشنبې په ورځ د نن ورځې د ګټوونکي لوبډلې او هندوستان ترمنځ په دوبۍ کې کې ترسره شي.
