کابل ټيليګراف (د مرغومې ۲۹مه– ۱۴۰۳ لمريز)
نړیوال بانک په افغانستان کې د خلکو د ناوړه اقتصادي وضعیت په اړه اندېښنه ښودلې او ویلي یي دي چې په دغه هیواد کې لوږه او د خوړو ناامني د تېرې لسیزې په پرتله زیاته شوې.
دغه بانک د یوې اعلامیې په خپرولو سره ویلي، چې د کافي معلوماتو د نشتوالي له کبله د افغانستان لپاره د اقتصادي ودې وړاندوینې نه وړاندې کېږي.
اعلامیې زیاته کړې د افغانستان اقتصاد به له محدودې ودې سره مل وي چې یوه برخه یې د بیو د لوړوالي او کموالي له کبله ملاتړ کېږي.
دا په داسې حال کې ده چې له دې وړاندې هم د امریکا لارنس پوهنتون ویلي و، چې پر افغانستان د طالبانو له واکمنېدو وروسته، شاوخوا ۹۰ سلنه افغانان له لوږې سره مخ شوي دي.
