( کابل ټیلیګراف – ۲۹ کب ۱۴۰۳ لمریز کال )
په هلمند ولایت کې د طالبانو د والي ویاند وایي، د دغه ولایت په مرکز کې یې یو تن د طبیعي کبانو د ښکار په تور نیولی دی.
مولوي محمد قاسم ریاض زیاته کړه، د طبیعي ماهیانو د ښکار د مخنیوي په موخه یې د کرنې ریاست په چوکاټ کې عامه پوهاوی هم ترسره کړی دی.
هغه زیاته کړه، د کبانو ښکاریانو ته سپارښتنه شوې، چې د قانوني عواقبو د مخنیوي په موخه د طبیعي کبانو له ښکار څخه ډده وکړي.
نوموړی وایي، په دغه ولایت کې لا هم هڅې کوي، ترڅو د طبیعي کبانو د ښکار مخه ونیسي..
