کابل ټیلیګراف – ۳ وری ۱۴۰۴ لمریز کال
د طالبانو د سرې میاشتې رئیس د سره صلیب د نړیوال فدارسیون له مشر سره په لېدنه کې پېښځپلو سره د مرستو سربېره د وچکالۍ مخنیوي په اړه خبرې کړي دي.
د طالبانو د افغاني سرې میاشتې ریيس شیخ شهابالدین دلاور په افغانستان کې د سره صلیب نړیوال فداراسیون له سرپرست احمد سلیمان او مل پلاوي سره وکتل.
د یادې ادارې په خبرپاڼه کې راغلي چې په دې کتنه کې دلاور له راستنېدونکو کډوالو، اړمنو او پېښځپلو سره د مرستو سربېره د وچکالۍ مخنیوي برخو کې د یاد سازمان د همکارۍ غوښتنه کړې.
دغه راز دې کتنه کې د یاد فدراسیون سرپرست له افغانستان سره د همکارۍ ډاډ ورکړی او زیاته کړې یې ده، چې د ډېرو مرستو د جذب په موخه به د افغاني سرې میاشتې لوی رییس ته د بهرنیو سفرونو زمینه برابروي.
