کابل ټیلیګراف – ۴ وری ۱۴۰۴ لمریز کال
د طالبانو تر کنټرول لاندې د افغانستان بانک وایي چې سبا د افغانیو د ارزښت ساتلو په موخه ۱۵ میلیون امریکایي ډالره لیلاموي.
یاد بانک نن پرخپله اېکس پاڼه له سوداګریزو بانکونو، د صرافۍ او د پولي خدمتونو په شرایطو برابرو شرکتونو غوښتي څو په دې داوطلبۍ کې ګډون وکړي.
سرچینې لیکلي، د داوطلبۍ ګټونکي اړ دي څو خپل حسابونه د لیلام ورځې تر پایه تصفیه کړي.
یاد بانک لیکلي چې د اسعارو د لیلام په داوطلبۍ کې د معاملاتو قسمي تسویې ته اجازه نه ورکول کېږي، د داوطلبۍ ګټونکي اړ دي چې د خپل ذمت د قیمت پیسې په یو ځل په نغدي ډول په ټاکلي موده کې د افغانستان بانک ته وسپاري.
