کابل ټیلیګراف – ۴ وری ۱۴۰۴ لمریز کال
د طالبانو لوړو زده کړو وزارت وایي، د دوی مشر د یوه ځانګړي حکم له مخې د غزني پوهنتون لپاره د طب پوهنځی منظور کړ.
یاد وزارت لیکلي چې دغه مهم ګام به د غزني ولایت ځوانانو سربېره د هېواد بېلابېلو برخو محصلینو ته د طب په برخه کې د لوړو زده کړو زمینه برابره کړي او هم به روغتیایي خدمات ورسره لا پیاوړي شي.
افغانستان د روغتیايي خدماتو له کمښت سره مخ دی، په ځانګړي ډول لرې پرتو سیمو کې د مسلکي ډاکټرانو او طبي کارکوونکو کمښت محسوس دی.
