( کابل ټیلیګراف – د وري۷مه ۱۴۰۴ لمریز کال )
د را پورونو له مخې؛ په متحده عرب اماراتو کې پولیسو د ۵ ښځو په ګډون ۱۰ پاکستانیان د سوال کولو په تور نیولي دي.
د متحده عرب اماراتو چارواکو ویلي، چې د نیول شویو سوالګرو په اړه یې د پاکستان چارواکو ته خبر ورکړی دی.
د پاکستان د تحقیقاتو ادارې هم تائید کړې او ویلي، چې په نیول شویو کې درې میرمنې د پنجاب او دوه نور یې د لاهور اوسیدونکي دي.
دغه ادارې زیاته کړې، نیول شوي سوالګر دا مهال په متحده عربي اماراتو کې بندیان دي او پاکستان ته د لیږلو لپاره یې اقدامات پیل شوي دي.
د یادونې وړده، چې تر دې وړاندې سعودي عربستان هم سلګونه پاکستانیان د سوال کولو په جرم نیولي.
