کابل ټیلیګراف – ۱۶ وری ۱۴۰۴ لمریز کال
د طالبانو د ترانسپورټ او ملکي هوايي چلند وزارت د هوا پېژندنې ریاست د هېواد په ۱۰ ولایتونو کې د واورې، سخت باران، تندر، تیزو بادونو او ناڅاپي سېلابونو د راتلو خبرداری ورکړی دی.
دې ریاست د سبا ورځې (یکشنبه، د وري ۱۷مه) لپاره په بدخشان، تخار، کندوز، بغلان، سمنګان، بلخ، سرپل، بامیان، جوزجان او فاریاب ولایتونو کې د واورې او باران د ورېدو احتمال وړاندوینه کړې ده.
د دې ولایتونو په بېلابېلو سیمو کې د واورې د ورېدو کچه له ۱۰ تر ۲۰ سانتيمترو او د باران اندازه له ۱۵ تر ۲۵ میلیمترو پورې اټکل شوې ده.
دغه راز، د بادونو تېزوالی له ۵۰ تر ۸۰ کیلومترو فی ساعت پورې په شماللویدیځو، مرکزي او جنوبختیځو ولایتونو کې وړاندوینه شوې ده.
