کابل ټیلیګراف – ۱۶ وری ۱۴۰۴ لمریز کال
د طالبانو تر واک لاندې باختر خبري آژانس راپور ورکړی چې د غور ولایت تولک ولسوالۍ کې یوې نجلۍ یو جلد قرآن کریم په خامکدوزۍ لیکلی دی.
د دې راپور له مخې، د قرآن کریم هر شپږ جزونه په یوه جلا جلد کې، چې اوږدوالی یې ۷۰ سانتيمتره، پلنوالی یې ۵۰ سانتيمتره او وزن یې ۱۰ کیلوګرامه دی، لیکل شوي دي.
په راپور کې دا هم ویل شوي چې په دې قرآن کریم کې ۱۵۰ متره ټوکر او ۱۲۰۰ بسته تار کارول شوي، او د دې هنري اثر لیکلو لپاره پنځه کاله وخت نیولی دی.
