کابل ټیلیګراف – ۱۳ غویی ۱۴۰۴ لمریز کال
د افغانستان په چارو کې د پاکستان پخواني استازي آصف دراني، د جمعې په ورځ په اسلامآباد کې یوې ځانګړې غونډې ته وویل: د افغان کډوالو د کړکېچ د حل لپاره، طالبان باید له ترهګرو ډلو، په ځانګړي توګه د پاکستان د طالبانو تحریک (TTP) سره خپلې اړیکې پرې کړي.
هغه زیاته کړه: پاکستان یوازې د کډوالو د بیا ځای پر ځای کولو توان نه لري او د دوامدار حل موندلو لپاره، په افغانستان کې د امنیتي وضعیت ښه کېدل اړین دي.
دراني په پاکستان کې د افغان کډوالو د ستونزو یادونه وکړه او ویې ویل: ډېری یې د متحده ایالتونو د کډوالۍ پالیسیو د بدلون له امله په نامعلوم حالت کې دي.
