کابل ټیلیګراف – ۳۰ غویی ۱۴۰۴ لمریز کال
د ایران بهرنیو چارو وزارت په یوه اعلامیه کې ویلي، د حماس غورځنګ د سیاسي دفتر غړي، باسم نعیم او اسامه حمدان په تهران کې د دغه هېواد له بهرنیو چارو وزیر، سید عباس عراقچي سره کتلي دي.
د اعلامیې لمخې دغه دوه مشران، د تهران د خبرو اترو په فورم کې د ګډون په موخه ایران ته تللي دي.
په دغه کتنه کې په فلسطین کې وروستي بدلونونه، په ځانګړي ډول غزه کې د اسراييل وروستي بریدونه او “جنګي جرمونو” په اړه خبرې کړې شوې دي.
