کابل ټیلیګراف – ۱۵ غبرګولي ۱۴۰۴ لمریز کال
د روسیې ولسمشر ولادیمیر پوتین او د امریکا ولسمشر ډونالډ ټرمپ له ایران سره د اټومي مذاکراتو او د اوکراین جګړې په اړه ټلیفوني خبرې کړې دي.
د رویټرز د راپور پر بنسټ، پوتین خپل امریکايي سیال ته ویلي، «مجبور دی» چې د روسیې پر الوتکو د اوکراین وروستي برید ته ځواب ورکړي.
نوموړي د روسیې او اوکراین د سولې خبرې ګټورې بللي او زیاته کړې یې ده، چې اوکرایني چارواکي سوله نه غواړي.
دغه راز ټرمپ له پوتین څخه غوښتي، چې له ایران سره د امریکا په اټومي مذاکراتو کې ګډون وکړي.
