کابل ټیلیګراف – ۱۵ غبرګولي ۱۴۰۴ لمریز کال
امريکا د ملګرو ملتونو امنيت شورا کې د غزې لپاره د دايمي اوربند او له ځنډ او خنډ پرته د مرستو رسولو قرارداد ويټو کړ.>
د ملګرو ملتونو امنيت شورا کې د غزې لپاره د دايمي اوربند قرارداد د ۱۰ غير دايمي غړو سره يوځای الجزاير وړاندې کړی و.
په قرارداد کې د غزې لپاره د دايمي اوربند او مرستو ته د بې خنډه لاسرسي غوښتنه شامله وه، خو امريکا د امنيت شورا کې د غزې د دايمي اوربند لپاره وړاندې شوې قرارداد ويټو کړ.
د امنيت شورا د ۱۵ غړو څخه ۱۴ د غزې د اوربند غوښتنې په حق کې رايه ورکړه.
د یادونې وړده، چې په غزه کې د اسرائيلو بريدونه روان دي او په تېرو ۲۴ ساعتونو کې نور ۴۵ څخه زيات فلسطينيان شهيدان شوي دي.
بلخوا، يوې امريکايي مرستندويه ادارې د انتظام د ښه کولو لپاره د مرستو وېش هم درولی دی.
