کابل ټیلیګراف – ۲۰ غبرګولي ۱۴۰۴ لمریز کال
طالبان وایي، د کابل ښار پنځلسمې حوزې اړوند سیمه کې د داعش ډلې یو پټنځای له منځه وړل شوی دی او دوه تنه یې وژلی دي
د طالبانو ویاند ذبیح الله مجاهد ویلي چې دغه عملیات تېره ورځ ماښام د ۱۵مې امنیتي حوزې اړوند قصبه کې شوي دي.
هغه ویلي، په دغو عملیاتو کې یې د داعش ډلې یو پټنځای له منځه وړی او دوه تنه یې وژلی دي.
مجاهد د جزییاتو له ورکولو پرته ویلي چې د عملیاتو پر مهال یې ځینې وسلې او مهمات هم نیولي دي.
