کابل ټیلیګراف – ۲۱ غبرګولي ۱۴۰۴ لمریز کال
امریکايي رسنۍ وايي، د امریکا عدليې وزارت هغه ۵۵ افغانان په ترهګرۍ تورن کړي وو چې د تخلیې په بهیر کې امریکا ته تللي او بیا یې له دغه منځه ۴۶ تنه بېرته له دغه نوملړه ایستلي چې ۹ کسان اوس هم پاتې دي.
راپورونه زیاتوي چې امریکايي چارواکو د ناصر احمد توحیدي په نوم یوه کس تور پورې کړی چې د امریکا د وروستیو ولسمشریزو ټاکنو پر ورځ یې د ترهګریز برید اراده درلوده.
تر اوسه د دغو کسانو د دوسیو په اړه څرګنده پایله نه ده وړاندې شوې.
