کابل ټیلیګراف – ۲۲ غبرګولي ۱۴۰۴ لمریز کال
د امریکا ولسمشر ډونالډ ټرمپ اعلان کړی چې متحده ایالات به له منځني ختیځ څخه یو شمېر سرتېري او کارکوونکي وباسي.
د رویټرز د راپور له مخې، ټرمپ پرون له خبریالانو سره په خبرو کې وویل چې دا سیمه ښودل شوي چې “خطرناک ځای” وي.
هغه وویل: “هغوی تخلیه کوي ځکه چې دا کولای شي خطرناک ځای وي او موږ به وګورو چې څه پېښېږي. موږ هغوی ته ویلي چې تخلیه وکړئ.”
له دې وړاندې رویټرز د څلورو امریکايي او دوو عراقي سرچینو په حواله ویلي وو چې امریکا د امنیتي خطرونو د زیاتېدو له امله د عراق په سفارت کې د یوې برخې د تخلیې لپاره چمتووالی نیسي.
د راپور له مخې، دا پرېکړه نظامي کسانو ته اجازه ورکوي چې له منځني ختیځ بېلابېلو ځایونو څخه ووځي.
رویټرز زیاته کړې چې د امریکا د بهرنیو چارو وزارت بحرین او کویټ کې د خپلو کارکوونکو د رضاکارانه وتلو اجازه هم ورکړې ده.
دا پرېکړه په داسې حال کې شوې چې د ایران او امریکا ترمنځ اټومي خبرې حساس پړاو ته رسېدلي او دواړه خواوې د یورانیمو غني کولو په اړه په بشپړه توګه متضاد دریځونه لري.
