کابل ټیلیګراف – ۳۱ غبرګولي ۱۴۰۴ لمریز کال
د را پورونو له مخې؛ په تیرو ۹ ورځو کې اسرائیلو د جګړې له امله ۶ نیم میلیارده امریکایي ډالر مصرف کړی دی.
د امریکا ورځپاڼې واشنګټن پوسټ څرګنده کړې چې اسرائیلو په وروستۍ جګړه کې هره ورځ شاوخوا ۲۸۵ میلیون ډالره د خپلو توغندیزو دفاعي سیسټمونو لپاره لګولي دي.
د دغه را پور له مخې؛ دا ورځنی لګښت یوازې د هوايي دفاع لپاره دی او د اسرائیلو ټول ورځنی پوځي لګښت کیدای شي تر ۷۲۵ میلیون ډالرو پورې ورسیږي.
د دې حساب له مخې، د نړیوالو رسنیو د راپورونو پر بنسټ د اسرائیلو د ورځني لګښتونو په اړه، چې د توغندیزو دفاعي سیسټمونو او د جګړې ټول لګښت پکې شامل دی، په تېرو ۹ ورځو کې اسرائیلو لږ تر لږه ۲.۵ میلیارد ډالره د توغندیزو دفاعي سیسټمونو او ۶.۵ میلیارد ډالره د جګړې لپاره لګولي دي.
دا شمېره د ایران د توغندیو د برید له امله د اشغال شوو سیمو په بېلابېلو برخو کې رامنځته شوي زیانونو پرته ده.
